Sina - Liäbi Wält [tekst, tłumaczenie i interpretacja piosenki]

Du schöni Wält, güäta Morgu
's isch alls no gliich sit där Nacht
I bi ja zimmli lang wäg xi geschtär
Ha widär mal ä Nacht durchgmacht
Bi üs mit Fründa wo nit wissunt wiän ich heissu
Bi üs mit Liit wan i no niä ha gseh
I lüäga in Gsichtär und weiss iiri Nämu nit

Und alli redunt, redunt ohni Pausa in miis Gsicht
Keinä värzellt mr ä Gschicht wan i nit scho weiss

Wiär hei iisch ja so vill z'sägu
Wiär hei iisch ja so vill z'verzellu, vo morgu bis schpat
Hei so vill z'fregu, wiär hei iisch ja
Das jedä cha meinu und sägu was är will

Du liäbi Wält, güäta Morgu
Is schön rüäig xi di Nacht
I bi üüs miis Glick ga süächu
Ja das het mi zimmli fertig gmacht
Jetz bini däheimu und liggu uf mim Bett
Da will i bliibu bis i alt bi und fett
Mit miinum Hund wa öi ä Meinig het

Alli redunt schich um Chopf und um Chragu, um iiru Läbu
Abär was das isch, weiss keinä so genau

Wiär hei iisch ja so vill z'sägu
Wiär hei iisch ja so vill z'verzellu, vo morgu bis schpat
Hei so vill z'fregu, wiär hei iisch ja
Das jedä cha meinu und sägu was är will

Liit redunt ubär ds Wättär und ob di Börsu stiigt
Schi fregunt schich, ebs di wahri Liäbi ächt öi wirkli git
Geschtär ja und hittu nimmä
Und so cheer i mi uf d'Siitu
Wil bald tüäts widär liitu und dä hei wir iisch ja

So vill z'sägu
Wiär hei iisch ja so vill z'verzellu vo morgu bis schpat
Hei so vill z'fregu, wiär hei iisch ja
Das jedä cha meinu und sägu was är will

Wiär hei iisch ja so vill z'sägu
Wiär hei iisch ja so vill z'verzellu vo morgu bis schpat
Hei so vill z'fregu, wiär hei iisch ja
Das jedä cha meinu und sägu was är will