Desert Boys - حبــــوني - Habouni - 2016 [tekst, tłumaczenie i interpretacja piosenki]

[Adoula]
حبوني نديزيسبيري ..نخرج نهيج نكسر
ابري تجيني لابوليس ..تضرب فيا وتمكر
حبو يشوفوني ساكت نرضى بالذل والمنكر
نرمي الورقا فالصندوق راسي جامي لا نكسر
حبو يشوفو لبلاد تشعل كيما كابول
هوما يضربو ليزافير وحنايا نشبعوا مالقزول
حبو يكالموني بسيف ..جابولي القرعا والكيف
نزعف ونضرب بالسيف ..راسي نريب فوق التيف
حبو يبعدونا على الدين ..جوناس ضيع
شعب يصيع بنات الناس للشرف تاعها تبيع
لكدب ضرب الصح وليل غلب الصبح
حبوني نريب كيما يريب السور ندير بحححححح
حبو جوناس ميقراش ميشقاش
ميكومباطي كي يجي يفيق البابور ميلقاش
فالزنق يبيع القش..على الحق يولي طرش
حبونا نهيجو وين مانروحو صاحبي نديرو النش

[C2h]
تفرج فاخرة هاد الزمان.. فكل مكان
لكل انسان..مقريب وبعيد فتح مليح لودان
بغاوني نديغوتي نحرق ولا نجري عالفيزا
بغاوني ننكر المله الله يزيدنا من حب الوطن..
بغاو يخربولي وين ما نتقاس
بديبلومي وعطاولي عساس
ولد الخضره قدري ميتقاس
نساو بلي الخدمه كيف ماكانت اشرف من شي ناس
لي خلق جامي يضيع يامخلوق
بغاو يقنعوني لحرام ولحلاش شاركه فالذوق.. نووو
بلاك خارج عالطريق بصح منيش غافل
صحيح ضيفوا نتمهبل بصح هكاك بغاونا نكونو مالفوق..
بعدنا عالدين ناضت فوضااا
راك تشوف مالطوب الدوله مهودااا
الارض بدات تجف..والحاله تشف
بغاونا بسيف نرجعوا للعشريه السودااا

[Ahmedbsk]
كترو عليا المشاكل وليت في رأسي حاصل
دارولي لي زوبصطاكل باش جامي لا نوصل
ما بغاونيش نريكلامي غير نشوف ونبلع فمي
نرضى بالذل والحقرة والظلم قدام عيني
كون جيت كيما بغاوني كون موتي أشرف م حياتي
حبوني ندير كريم باش نباصي ونخسر حياتي
نوووو،ما نديرهاش جامي حبوني نبيع وكيف ما كان الحال يشرو سكاتي
حبوك... القلب مريض والضمير ميت
اليوم يا تموت شهيد يا تعيش باش تشيت
تغرق فالشبهات وتحرف العقيدة
تسمح فالدين رأس المال وتجري مورا الفايدة
تعيش حياة بلا معنى معمرة غير بالفيد
بالرجلين يعفسوك خطاك مقودة عليك
رانا نشوفو بالعين غير لفساد لي قاعد يزيد
كي ما يبقا ما دير تروح ديركت لا سويسيد

[DH]
حبوا عليا يشوفو الضيقا .. حاكم كانيطا ريكال
مكالي الحيط في الزنقا .. ونحوس كشما تبويقا
ديما نخمم في الحرقا .. ونسمح فيما لعزيزا
زادو سكتونا بالتعويزا على ضهرنا عمرو الفاليزا
الموس لحق لعظم واقع بزاف يصدم
حالنا مزال ما تسقم حوكومة فينا تحقر
منكر لكلاب هلكوها بيناتهم حبو يقسموها
حبو لينا يكرهوها هادي بلادنا جامي نخلوها
ضحاو عليك رجال ربي يرحمهم كامل ماتو
بزاف لي بروفيتاو مجاهدين ماشيين و يزيدو
حاشا لي ما يستاهلو .. قفلتوا البيبان علينا
نزطل ؟ نشرب ؟ نحرق؟ لا مشها الوسيلة
الكيف يدخل أوتوريزي و تحبسني كي نسموكيه
سيستام مخك يبلوكيه نشوفهم غير كي نجي نفوطي
والكبير مزال مابان حبو يسكتوني من لكلام
يالمسؤول الحق نقول جامي تمنعوني

[La Bomb H]
تبع امليح وفهمني ضورك نخرجو طول بلعيب
بلادي سمحيلي غاضني حالك مي ربي يجيب
قالك ما تخاف اذيب اسلوڨي حافض كلش قرب
اتشوف قبل الفوط او من بعد كلشي يريب
حبوني نكون الاخر مكلاسي تالي مودر
بجناح مكسر فوايو مول دعاوي شر او منكر
حبوني نشقا فلحياة او البونور جامي نلقاه
نتلقا غير في الهم او دم يسيل هدا الي تبقا
كاذيغوري فلحرام هكا حبوني نكون
نبكي لولدين نحرڨ دين كلام ربي نخون
حبوني نسكت كي حبيت نعرف حقي وين راح
ردوني جايح مهبول حاكم الحيط مغبون
يابلادي اين المفر ؟
مابقالي فيك ما نصبر
حبوني منك نهجر
نحكم فلوكة او لبحر ولا يقبروني في قبر