Karim ElGang - رسالة إلى وزير الشباب [tekst, tłumaczenie i interpretacja piosenki]

[المقطع]
معالي الوزير ، الشباب راو في ضيقة
ما بقاتش عندو في السياسة حتى ثقة
زرعوا فينا اليأس و الديزيسبوار
"Trop tard"عاد لي تقلُو "ان شاء الله تتسقّمْ" يقلّك
الشباب بالعْ ضايعْ واحد ماو سامعْ
لي والى طامع ما عادش فينا لي قانعْ
الشباب ضحية بصّح يعرف صلاحُو
طالب حاجة وحدة من السؤول هي يصارحُو
معالي الوزير علابالنا و نشهد بالحقْ
في بلادنا كاين لي يبني و كاين لي سرقْ
هذي سنة الحياة كاين البدعة و كاين الإبداعْ
كيما كاين لي يخدم كاين لي يخدعْ
علابالنا لي بروبلام بارتو ماش غير في بلادنا
طالبين من المسؤوول يسمع و يقيّمْ شبابنا
و لكان عـ مشاكلنا نحكيلك ما يفضّوشْ
نْسيي نوصّلهملك باسم الناس لي ما قدروشْ
صاحبي عندو أزمة سكن ، مشكلة تاع دارْ
في ضربة أم درمان رسم علام عـلى الجدارْ
بصّح واش صار؟
في الشتاء و الريح مع الفجر رابت عليه الدّارْ
عندي جاري عشر سنين تخرّج من الجامعة
كي نشوفو بلا خدمة و الله تجيني الدمعة
جاري لاخر واعي من صغرو خدّام على روحُو
كي سيزاولو النصبة مسكين لهّب روحُو
عندي وليد عمّي ، دمّو من دمّي
انتحر بورتون أنا لي كنت نفاجيلو همّي
كي نشوف وليد صاحبي حاوزوه من الليسي
دوركا بالكِيف و الإيكستا ، في الزنقة مبليسي
البيروقراطية وغير بالرشوة تلحق
عاديكا الشباب تحرق و فيهم لي حرق
و باسم لي في الغربة قالوهالي في باربيس
آي ماشي بيدنا نعيشو محقورين في بلاد الناس
لازم تحسُّو بـ لاجونيسْ لي في البحر تموت
علاه لي ريسبونسابل يجيونا غير في وقت الفوط؟
لازم ترجع الثقة ، شباب البلاد ديما واجد
لازم ترجع الثقة ، شباب البلاد ديما واجد
البلاد بلا بينا ما يبناها حتّى واحد
علاه الكره؟ علاه البغض؟ بين الشاب بين المسؤول
الجزائر ولد أصل عمرو ما كان مزطولْ
حابين نشوفو مسؤول يدور وسط الشعب و يحسْ
بالجون لي تحقر معانا و تعفسْ
لآخر نَفَسء راني عقلية بن مهيدي
نقطّع يد الفتنة لي تحب تخرب في بلادي
كونتر الفتنة ، كونتر الفسادْ
لازم كلنا نشاركو باه تطلع البلادْ
أمانة جدودنا ، مستقبل ولادنا
رجال ، نسا ، لازم نوقفُو نبنُو بلادنا
كلنا معنيين هذا مصير أمة
كل واحد منّا في هاذ البلاد عندو مهمة
لازم نديرُو لجان إصغاء في كل ولاية
لازم نشاركُو لي جون ، تحديات كبيرة آي جاية
حابين حوارات نقية مع عباد عندها مصداقية
زيد خطة مستقبلية تكون بأفكار منطقية
عندي صاحبي قالي : رماوني غلطة في الحبس
قالي : بلادنا نحبّوها يكذب لي يقلك العكس
قالي : كي تلعب الخضرة كلنا نديرو حالة
مالقري في الحبس كنّا نديفيليو في الصالة
معالي الوزير حبّيت نقول احنا الشبابْ
حابّين يشوفونا عباد ، ماشنا ورقة انتخابْ
تحساب يعجبني الحال ولاد بلادي مطيشينْ
في البطالة و الخدَّامة من لاشينْ
يكذب لي يقلك : الجزايري راو فنيانْ
بالعكس راو فنّان ، خدّام في مهما دومانْ
يكذب لي يقلك : أحنا تاع عنف و احنا تاع عارْ
و لاكان على إيبوسي مشو معيارْ
جرّب سقسي تلقى شباب بالآلاف تطيرْ
بلا تأطير ، تدير و تنشر في الخيرْ
حملات نظافة في المقابر و المساجدْ
حملات تحسيس ، شباب ناشط فيها واجدْ
أعمال خيرية ، مبادرات و زيارات
لـ دور العجزة و دراري صغار في السبيطارات
و يلمّو التبرّعات ، كل يوم مشروع جديد
هاذو جابُو كتابات ، هاذوك كبش العيد
هاذة كسوة العيد ، لوخرين قفة رمضان
يعني ما دابيهم مهما مواطن يبات فرحان
الشباب يحب الخير هو مغزى هاذ القصة
و حاب ينفع بلادو جوست ما جاتوش الفرصة
و لي يقلك كاين جون يكره بلادو
كي شغل قالك كاين لي يكره أمّو لي ربّاتُو
علابالنا بارتو المشاكل مي ما دابينا
ديرنا كيما ولادك دبٍّ راسك احصل بينا