Karim ElGang - Ben M'hidi [tekst, tłumaczenie i interpretacja piosenki]

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا

"بلادنا بلا بينا ما يبنيها حتى واحد"

[المقطع الأول]
جاني العربي بن مهيدي فالمنام و قالي يا ابني
بلادك تحناجك يا ابني أوقف ابدا ابني
و خلي العالم كلو يشوف بلادنا أقوى قوة
وقلهم لي يحب بلاد الشهداء صح هو
بن مهيدي ، هو المعلم و الاستاذ
لي يهموا التلميذ قبل الاجرة و الإضراب
بن مهيدي ، هو الديبلوماسي و السياسي
لي يخمم فالشعب و ما يخممشي فالكرسي
بن مهيدي ، هو التاجر و رجل الأعمال
لي يخمم فالفقير قبل ما يدير الأسعار
بن مهيدي ، هو الصحافي هو المقدم
لي يدير موضوع يبني ماشي موضوع يهدم
بن مهيدي ، هو المير هو الوالي
لي يدور فالفوضوي باه يحس فالزوالي
بن مهيدي ، هو الشرطي لي راو يطبق
فالقانون عالجميع من غير أدنى فرق
بن مهيدي ، هو المحامي هو القاضي
لي يجيب حق المظلوم و يبات ضميرو راضي
بن مهيدي ، هو العامل لي ينظفلك حيك
نيابة على شعب الجزائر يا بابا نحييك

[اللازمة]
العربي بن مهيدي هو أنت هو أنا
هو البلاد لي خلاهالنا أمانة
هو العلام هو النجمة و الهلال
العربي بن مهيدي خلى وراه رجال

علابالك بن مهيدي بكري كيفاه كان داير؟
الجلدة تاع راسو طارت عجال دزاير
كيفاه نحرق بلادي بيدي وشبيك أنت؟
وشكون يبني البلاد من غيري أنا و أنت؟

[المقطع الثاني]
بن مهيدي ، هو الرياضي و الفنان
لي يرفع علام بلادو في جميع البلدان
بن مهيدي ، هو الطبيب لي ديما فاطن
و يبات ساهر على صحة المواطن
بن مهيدي ، هو الموظف لي فالمكتب
لي ديما يخدم يضحك متبسم في وجه الشعب
بن مهيدي ، هو المقاول و المستثمر
لي يتقن مشروعو ما يهموش يربح ولا يخسر
بن مهيدي ، هو الفلاح لي فالبادية
لي راهو يتعب يخدم فتراب أرض لبلاد هاديا
بن مهيدي ، هو الجندي فالجبال
أفرحي يا دزاير و قولي عندك رجال

[اللازمة]
العربي بن مهيدي هو أنت هو أنا
هو البلاد لي خلاهالنا أمانة
هو العلام هو النجمة و الهلال
العربي بن مهيدي خلى وراه رجال

[المقطع الثالث]
أرواح معايا نحطو اليد فاليد
و نديرو كيما دار الجد و الجد
شعب كامل لازم نكونو راجل واحد
بلادنا بلا بينا ما يبنيها حتى واحد
حاب تجاهد كي بن مهيدي تموت شهيد
أوقف ابني بلادك ، أوقف ابني و زيد
حاب تجاهد كي بن مهيدي تموت شهيد
أوقف ابني بلادك ، و خلي نروحو بعيد

بن مهيدي ، هو العالم لي يدور بارتو
يتغرب و يتعلم باه يطور بلادو
بن مهيدي ، هو المفتي و الإمام
لي بدين الإسلام ينشر فالعلم و السلام
العربي بن مهيدي ، على لابوانت والعقيد عميروش
باجي مختار ، زيغود يوسف و ديدوش
مليون و نص مليون شهيد كيف أحمد زبانة
الجزاير بلادنا خويا خلاوها أمانة

[اللازمة]
العربي بن مهيدي هو أنت هو أنا
هو البلاد لي خلاهالنا أمانة
هو العلام هو النجمة و الهلال
العربي بن مهيدي خلى وراه رجال