L'oreille D'or - Rak Kbir [Clash Azzou] [tekst, tłumaczenie i interpretacja piosenki]

[دخلة]
جيت من عنابة ما جبتش الشيتة
الشيتة الذهبية لي عطاهالي بوتفليقة
نشيّت و نزيد على جال المال
و لاكان على لي برينسيب نحطهم قاع في لا بوبال

[المقطع الأول]
ما تحشمش تحلف فوق القرآن يا واحد الطّمّاع
تقول سومي غالي ما نتشرى ما نتباع
مهبول ولاّ ضعيف شخصيّة فهّمني واشبيك؟
كون جيت بابيشا أنا اللول لي نفيوليك
ما تقلّيش نحبّ بلادي و نتا تعشق في الدينار
ساند النظام البوتفليقي كاشما تدّي دي كونسير
تكره لطفي ولاّ تحبّو فهّم روحك يا كوجاك
كلاشيت لكفي بيك البوز ماشي سلال لي غاضك
ربحت الشيتة الذهبية بجدارة و استخقاق
حبيت تكسب دي فان مي آك راح تشبع غير بزاق
تعلّم تشدّ في لي برينسيب قبل ما تحكي على النفاق
و إذا حاوزاتك خليدة نْخَدْمَك في غابتي حلاق
آي ...شمّر عـ ذراعك أوليو ترفد للدولة
تشكي و تبكي كتر من القـ...ة المذلولة
فوك لي فو لي كيما نتا ، ريسبي ليفري القلال
الناس تخدم و نتا تستنا لطفي يجيبلك فيستيفال

[اللازمة]
عيش عام معارض خير من 100 سنة تشيّت
التاريخ ما يرحمش مالقري آخرتك ميّت
واش فيّدت ؟ أبار العيب و زوج دورو
يموت بنادم مي يبقاو يشهدوا عليه سطورو

[المقطع الثاني]
الراب العنابي نريسبيكتيه أسمحلي نتايا ما تشرفش
كبير و عقليتك خرا لازمك تديرلها لي كوش
ما تخلعنيش ساموراي ولا كونتر سترايك
كاريار تغيض شكا بكا و باج طالعة بـ أوتو-لايك
عندو الحق لي قال الذكورة كثروا و الرجال قليل
كون جات فيك شوية رجلة ما يسمحش فيك سماعيل
يا بخّوشة امبيسيل أخطيك من الراب راك كبير
لاج تاعك تاع زواج ، دار ، دراري و أفونير
مل الـ 98 و نتا هنا لي بدا البارح راو فايتك
كون جات فيك النيّة راك لحقت ما بقيتش في بلاصتك
ما تدوملكش الشيتة مام بالماتيار الألماني
بلا مواقف تبقى رخيس مام تلبس غير الأرماني
عيش عام معرّض خير من 100 سنة تشيّت
التاريخ ما يرحمش مالقري آخرتك ميّت
واش فيّدت ؟ أبار العيب و زوج دورو
يموت بنادم مي يبقاو يشهدوا عليه سطورو
اللازمة

[الخرجة]
عزّووووو ، نحب الشيتة
نبقى جايبها شيتة مور شيتة
نحب الشيتة
يحيا بوتفليقة
عزّو عنابة
نحب الشيتة
نبقى أنايا عزّو
نبقى أنايا عزّوووو