Wolfgang Niedecken - Dä Joker danz [tekst, tłumaczenie i interpretacja piosenki]

Jehs övvert Wasser un verdeils dobei Bruht
Un die Auge vun'nem Kääl uss Stahl sinn ahm glöhe
Sejelscheffe stühre op en Nebelwand zo
Du woots jeboore met'ner Schlange en jeder Hand
Un 'ne Orkan wohr ahm stöhne
Der Freiheit sähste
Wöhre mer lächerlich noh
Doch die däät janix nötze
Köhm met dä Wohrheit nit kloor

Dä Joker danz nur
Wenn die Naachtijall singk
Die Nachtijall singk nur
Wenn dä volle Mohnd schingk
Dann danze
Danze – dä Joker danz

Die Sonn jeht unger
Mäht sich durch de Koht
Du stehs op un jehs un sähß kei Woot zo keinem
Durchjeknallte toobe
Wo kein Schutzengele sinn
Un die Kristallkugel – rootloss – frööt
Wat die Orakele meine
Zom Dropzeije noh jenooch
Zom Berühre zo wigg
Du hatts ald immer de Spetz
Dä entscheidende Schritt

Dä Joker danz nur
Wenn die Naachtijall singk
Die Nachtijall singk nur
Wenn dä volle Mohnd schingk
Dann danze
Danze – dä Joker danz

Häss die Levite jelese un die zehn Jebote och
Charles Darwin un die sinn ding einzige Lehrer
Du küss em Zwieleech ahnjeredde
Op nem wieße Pääd
Sühß wie en Statue uss vum Michelangelo – uss Marmor
Du ruhs dich uss op 'ner Wiss
M'em Weltall zojedeck
Die Stääne lühren dir zo
Dir un dämm kleine Hungk
Dä dir't Jeseech leck

Dä Joker danz nur
Wenn die Naachtijall singk
Die Nachtijall singk nur
Wenn dä volle Mohnd schingk
Dann danze
Danze – dä Joker danz

Heckeschötze robbe sich ahn Wehrlose raan
Moralapostel och
Doch dat Renne ess noch janz ahm Ahnfang
Jummiknöppel, Wasserwirfer, Tränejaas, Sirene
Molotowcocktails un Selvsschöss hinger jedem Vüürhang
Bestochene Richter zappele em eigenen Netz
Nur noch en Frooch der Zick
Dann ess die Finsterniss et einz'je Jesetz

Dä Joker danz nur
Wenn die Naachtijall singk
Die Nachtijall singk nur
Wenn dä volle Mohnd schingk
Dann danze
Danze – dä Joker danz

Dat he's en Schattewelt unger schleimijem Grau
Hück woot 'ne Prinz jeboore
Da dräät Windele uss Purpur
Dä jaach die Händler uss'em Tempel
Sammelt Waisepänz enn un jitt se frei zur Adoption
Ahn Hafestadthure

Joker
Du weiß janz jenau
Wat dä will
Joker
Du deiß
Als wööste nix un blievs still

Dä Joker danz nur
Wenn die Naachtijall singk
Die Nachtijall singk nur
Wenn dä volle Mohnd schingk
Dann danze
Danze – dä Joker danz