Khelwi خلوي - Nod1 w 50 tiha [tekst, tłumaczenie i interpretacja piosenki]

[دخلة]
خلوي
الجرح يحفر و يبرَى
الهدرة تحفر و تزيد

[المقطع]
مخلوي راسي قاعد نحكيلو
نميّز هاذي بلادي, و الناس لي قالو
ماتوا عليها جدادي, و أنا ما صاحلي والو
أنا لي نخدم بدم فادي, و ما ندّي والو
مانكونش عابد سيادي, لا ما نتحّيلو
يخي هذي كيما انتا بلادك بلادي, كامل نسالو
و علاش تزيدي, لي راه بمالو
هو لسانو ماضي, زيد كتافو لي ثقالو
هاذ الشي في بلادي عادي, ياك علابالو
و قد ما يدّي, غير زيديلو
أن يقطّعلي يدّي, هو قالوا ربي لي عطالو
من نهار اللي حكمنا الشادي, يدّيه طوالو
وشنو هذي؟ الشيطان ربي ينعلو
يالموت أرواحي أرفدي, راهم مازالو
و لي راهو قاضي, قاعد يحكملو
ماهوش غرضي, غير زطولو
يا يمّا شهدي, وليدك لي راح ما عجبو حالو
هنا كيما فرعون لي قالهم نتوما عبادي, همال ما بقى والو
أنا من عندي, ما نسمحلو
الله يرحمو بن مهيدي, هوما بالسلاح و أنايا غير بالستيلو
و علاش أنا تلحّيلي, و هو تعطيلو
أنا تغنيلي, و هو تصفقيلو
باش ندّي حقي لازم نبكّيلو
سمعنا الاقوال, ما شفنا فعالو
حنا لي دمنا سال, باش تتسقّم حوالو
هاذ المرة موحال, لازم يدير في بالو
رانا قادرين نقلعو الجبال, الرجال مازالو
و لي غاضهم الحال, عالدموع لي سالو
لازم اليوم و ما نغفلو
الحاكم مسموم, و حنا علاش علينا نحملو
لي كرهو منكم, خلّيتوهم يهملو
شكون لي عليه اللّوم؟ شكون لي قبلو؟
أنا لي محكوم و لاّ لي حكمو
كل شي مغموم و زادو قتلو
لي راهو مظلوم يغيضني حالو
الدولة ما عطاتلهم و زادو حملو
كي شافو لي حاكمهم خان و هوم تكلو
لازم تفهمو الحق واحد ما حرمو
"!! و إذا ما زال تهدر تموت, قولو "خلوي مات و الله يرحمو
هدر واحد ما فهمو
كفن كلامو في زوج كلمات
العين شافت ، دزاير بكات
ما نستعرف بحتى واحد, نساو لي فات
الله يرحم لي جاهد, اليوم فرونسا ولاّت
باسو يدها و أنا شاهد, وقيلة نسات
بصح لي كان مجاهد مطرّف و جابد
راهي خلاّت عالكرسي قاعد
باعو البلاد ، قلب الدزيري واش راهو رافد
مازلو صامد
مازالو
يا لي راهم داخل لقبور لوكان تولّو
يقلبو الدستور ، ريسان يتبدلو
و لي كان شيكور, اليوم عرّسلو
و لي كانو قطعو البحور, للبلاد يدخلو
لي كان محقور, حقو يولّيلو
...لابد الزمان يدور, الشيوخة قالو
مور الظلمة يبان النور, نحي غربالو
هذا ما هو غير كلامي راسي و نقول لي راه في بالي
ربّي يثبّت لعقول, و يهديني أنا تاني
واحد فينا ماهو مكمول, يا لي سامعني
كامل نغلطو يا لوكان بالقول, وانا بركاني
نستنى نهار نكون محمول, و نوقف عند العالي
نهار ما يكون لا مال لادول,من غير فعالي
داخل في حفرة مغسول, مغطّي بكفاني
واش العامل واش المعمول, و أنا وحداني
نشاء الله نكون ثابت في قول, الشهادتاني
هذا كلامي الحصول, بالك راني غالط سامحني