Khelwi خلوي - Warqa w stylo / ورقة و ستيلو [tekst, tłumaczenie i interpretacja piosenki]

اسمع اسمع ...واش نتوما
حل وذنيك
نسيتوا ولاّ مازال؟
ولاّ آي تبان مسقمة؟
خلوي...خلوي...خلوي

ورقة و ستيلو ، قاعد وحدي
آبار ربّي واحد ما عندي
نهدر واش حبّيت ما عندك ما تقضي
ياخي زردي ، تجيب و تدّي
أمشي تلعب بعيد ماكش قدّي
و نتيا دزاير تعرفي ليمن تمدّي
في الزوالي من ذاك العام توعدي
بمول الكتاف تشهدي ، و بينا تتقعدي

كلام لي يجرح اليوم بيه لي تبرا
دمّي سخون و ما نحبّش الحقرة
ما حملونيش خاطر ماشي مقطع من شجرة
ما خلعونيش ، حُرْ حربي و نموتْ خطرة
لوكان صابو راني مكتّف داخل مقبرة

تخمام بعيدْ
هدرة صحْ ماشي تبلبيل في الفيدْ
الشعب الدزيري راك تغيضْ
تدير لاشين عـ الزيت و السميدْ
ريّحْ تسمع الجديدْ
تتعمّر و تزيدْ Les comptes en Suisse
أمّا المشاكل عليك أنت تفيضْ

شحال من مخلوع
ما بيهش العلم الدزيري يرفرف جا باش ينحّي الجوعْ
فهمتوا علاش الخلوي ماشي مسموعْ
خاطر كلامنا صحْ ماشي مخدوعْ
خارج من القلب و سالوا عليه الدموعْ
فهمتوا وعلاش راني منشوعْ؟

الصغار تموتْ كلاها الحوتْ
الجوع و لا الرجوع
شيرة لي قوت ، نافيقي القوت
و كل مصنوع مبيوعْ
بالاك غدوة نموت هاك وصايتي
البارح معطوب ، طاهر اجاووت و اليوم دالتي
موحال نركع حتى و نعرف تخلاص حكايتي

حرّك راسك ألعب خفيفْ
هذا سيستام ماريكاني مدوبي بشكّة لي جويف
يا لطيفْ
قالوا عليا فوايو كي عندي النيف
نحق ... سيزيت الكيف
اليوم نطرطق راسي نخلوي الزليف
ماشي باش نعجب الغاشي
المحبّة ماشي بسّيف
حابْ نكاكي العباد لي كي تشوفو ضعيفْ
: تحفظ الكود يلحق الميساج تقلي
Affirmatif !

ما نحبش نشوف الحاكم عافس عالمحكوم
نكره الظالم يدّي حق المظلوم
مهموم ، مغموم الوقت ولاّ العباد كلّش ماشي مفهومْ
تمنّيت تبان الشمس ما بين الغيوم
يفطن القومْ هاذ الرقاد ما راح يدومْ
موسيقى حزينة فوقها كلام محزونْ
ما بيناش البوديوم ولاّ يتباع الالبوم

ما دابيا الشعب يعرف صلاحو
يفهم علاش الكبار جياحو
و الصغار حبّوا يقباحو
سلّم عالرجلة و البرينسيلب لي راحو
الدراهم و البوفوار و كل واحد يعرف سلاحو
هذا ريسك كبير مليون و نص شهيد لي طاحو
أيا نسقمو التاريخ بزّاف دْواصة راحو
بريحة الجيف فاحو
!!! فاقوا
الكذب يحوم و الحق ربّي يطلق سراحو

موحال ندور ديما للقدّامْ
حلو القبور الدنيا تدور في وسط الظلام يبان النور
تم يرفرف العلامْ
هاذي للمحقور زكارة في الحكّامْ
الدم يفور قابل نموت و نولّيش للور
ياك الموت تدور و كل واحد فينا قبرو محفور
و الا حبّيت تموت رخيس أنا ما عليش نموت على جال سطور

« J’ai mon combat à mener
Faut savoir distinguer entre la vie et la mort, les deux sont belles, moi je préfère mourir pour mes idées que de mourir de lassitude ou de vieillesse dans mon lit »