Lotfi Double Kanon - Karhou / لطفي - كرهوا [tekst, tłumaczenie i interpretacja piosenki]

[المقطع الأول]
ماشني قاعد نكذب ولاّ قاعد نزيد من عندي
شوفها بعينيك في الطريق كي تعود معدّي
تلقى الحيط معبّي و لي والى راه متّكي
قاعد يبكي au fond يضحك معاك بصّح
قاعد يخمّم اليوم برك واش راح يدير
كيفاه حَايْجيب الصباح و مبعّد كيفاه حَايْجيب الليل
24 heures شحال يبانو طوال هاذوك لي
سيرثو كي يعود جون سيرتو كي يعود شومور
البارح كيما اليوم و اليوم كيما غدوة
شهر وراه شهر و العام يعدّي بلعبة
صعيبة ، كي تعود عندك قوّة و قدرة
بصّ عمرك آو قاعد ينشف قطرة بقطرة
هكّاك في الفيد حياتك مسكينة تغيض
تروح بلّعقل كيما الشمس كي تعود تغيب
و المشكل الكبير سيك ما عندك شي ما دّير
اليدّين آم مربوطين بسّيف عليك علاديك

[اللازمة]
لِي جُونْ كُلْهُمْ كَرْهُوا وَ مَرْضُوا وَ تْعَذْبُوا
وْ تْحَقْرُوا وَ تْحَرْقُوا مَنْ هَاذْ لَبْلَادْ آمْ هَرْبُوا
بَارْثُو لِي بْرُوبْلامْ آيْ مْعَمْرَة
مَاكَانْشْ مَارْشَآرْيَارْ وَ آمْبُوسْيبَلْ تَرْجَعْ لَوْرَا

"Y’a pas d’retour possible, regarde ça"

[المقطع الثاني]
و تشوف بعينيك دي جون كانوا لاباس
Dépression nerveuse و مبعد تقلبوا صراتلهم
تشوفو مسكين فالطريق يحكي وحدو
بورتون كان نورمال صحيح هنايا بصحتو
دركا آو هبل بزاف كيفو لي طاحوا
كاين لي قطع يديه و كاين لي حرق روحو
L’histoire tragique كي تسقسي وعلاه صرات هاذ
La souffrance psychologique سبايبها المورال و
لا روتين آي تعذّب C’est logique
تخايل تنوض كل يوم و ما عندك شي ما تعمل
تسوحا روحك ذليل ثقيل و عاطل
تعود تقول آني عايش لهنايا باطل
و فوق هذا الكل ما نحكيوش عالمصروف
عالناس لي قاعدة تخدم و نتايا قاعد تشوف
على باباك لي كل يوم يجيب القضية بعرقو
و نتا تغيضك و تحشم حتّى باه تقابلو

[اللازمة]

"Les braves tombent au combat"
"Tu crois que c’est l’pays qui changer ?"

[المقطع الثالث]
و لوبير ، و الشي لكبير لي قاعد يصير
تسمع تكذّب تبقى محتار شحال تحير
كبار مالدّمّار آم بكاو Des ingénieurs
ما لقاو باه يعيشو غير نصبة تاع كاو كاو
تشوكاو ، و مبعد الشوك يجي المرض
يعود يقول واش قاعد ندير فوق هاذ لرض
و بزّاف لخرين لي حاجة خرا آي صراتلهم
جاو يقتلو الوقت عاللّخر الوقت هو لي قتلهم
قبل ما ماتوا سمعوهم صحابهم يقولو
واش من فايدة نعيش ما دام ما ندير في والو؟
و نشوف تانا دي جون يقولو يزّينا
حياتنا مشها مزينة و بزّاف آي حزينة
حبينا ننساو و نقصو علينا الهدرة
كل ليلة نجيبو قارو و معاه القرعة الخضرة
بصّح تحير كي تشوف وحايد صابرين
يقولّك راني راضي بالقدر و المصير
مهما يصير المورال ديما طالع
خاطاك خلقني ربّي ولّي خلق جامي ضيّع

[اللازمة]