DAM - I don’t have freedom (ما الي حرية) [tekst, tłumaczenie i interpretacja piosenki]

[اللازمة - علاء عزام]
وين ما اروح باشوف حدود ساجنه الأنسانيه
ليه أطفال العالم حره وأنا ما الي حريه ؟

[المقطع الأول - تامر نفار]
فوق ال 50 سنه احنا عايشين ورى
سجون البنود اللي ساجنيني انا
بواقع ما يتغير مش حاسين ولا
نور الاّ سياج منها احنا شايفين سما
لونها أزرق غيمها أبيض
بالنص نجمه تذكرك انت مقيد
بس لا، انا صامد، عايش متفائل
ما تعزل مني الامل بجدار فاصل
ولو، السور يدور انا مربوط
بفلسطين كجنين لحبل الطابور
اجري بالأرض جذور شجر زتون
تضل تولد تجدد وتجدد غصون
كل غصن ممدود للسلام، كل غصن
معروض لاحتلال, ما يريد استسلام
طب ليه, ليه أنا اللي ما اله حريه ؟
لأني أنا رافض أني أعيش بعبوديه

[اللازمة - علاء عزام]

[المقطع الثاني - محمود جريري]

احنا بندور عالسلام بين قواد حرب
رواد حرب معاهم صرنا أولاد حرب
نطلب الحريه من السجون المعنيه
انه نكون مع عيون اللي دايما معميه
من التفرج عأطفال العالم الحره
دايما نضل بتدحرج للحياه المره
وقوادنا شاطرين بس بتبهرج الكلام
كلهم ماخدين تخرج بتعرج الأوطان
واحنا بنستعمل القوه عشان الضعف
بنتحمل الموت عشان الحياه تعاملنا بلطف
ومش بعسف، للحياه انولدنا
ولما لقيناها مش بايدنا جربنا نوخدها
فمتنا، وكل اللي طلبنا كان نفس
و اللي ضحينا عشانه برضو كان نفس
انت قل لي: ليش أطفال العالم حره
وانا ما الي انا ما الي حريه؟

[اللازمة - علاء عزام]

[المقطع الثالث - سهيل نفار]
انا بديش اعيش عركبي
وانا بديش اموت عاجري
وانا لساتني شايف الاحتلال
مادد ايد، مش للسلام
مش مساواه بل تايهديني
حبل مشنقه، كمان مجزره
وجدار اللي فاصل بيني وبين حالي
اللي ما مخلليني اشوف ضو السماء
وأم ال 51 ولاية
تربي كمان ولايه
اللي تربى على حساب غيرها
متأثره من امها، الهنود الحمر
متأمله تمحينا تغسل دماغنا
تقللنا انه المشكله هي احنا
بس حتى جيوش العالم
كلها ما تقدرعالحريه

[اللازمة - علاء عزام]

[عنات اغباريه]
نريد جيلا غاضبا
نريد جيلا يفلح الأفاق
وينكش التاريخ من جذوره
وينكش الفكر من الأعماق
نريد جيلا قادما مختلف الملامح
لا يغفر الأخطاء لا يسامح
لا ينحني لا يعرف النفاق
نريد جيلا رائدا عملاق