Fares Weld Eleulma / فارس ولد العلمة - DeMo- FlaSh 5 / ديمو فلاش 5 [tekst, tłumaczenie i interpretacja piosenki]

-السلام عليكم
-وعليكم السلام
-جيت نفلاشي الديمو
-واش من ديمو حايب تفلاشيه ؟ ديمو ستارسات ولاّ ديمو جيون ولاّ ديمو بين سبورت ؟
-لا لا جيت نفلاشي الدمو-كراسي

[المقطع الأول]
نحكي قصّة ما يفهما غير لي عندو في الراس
جاونا مسؤولين باه يشوفو حالة الناس
قالونا هاتو الشكوة رانا الكل دي زالجيريان
ما تخافوش هذاك الزمان آو فات عليه التران
نطق صحبي فريد قالو أسمعني ا سيدي
هنا ما عندنا لا غاز لا ما لا تريسيتي
عايشين كي الكلاب ولاّ الكلاب خير منّا شوية
كرهت منّا الميزيرية Des misérables أحنا
نجيبو الما من الواد ، نسخنو بالحطب
ولّينا كي الخروف جرب كي شاف الذيب هرب
Maison des jeunes ديرولنا مالا سطاد ، ديرولنا
خليونا نديفوليو خليونا ننساو المحن
حابّين نعيشو بيان ، نتهنّاو من الغمّة
جيبولنا السكنى مالا و زيدو جيبو الخدمة
نطق المسؤول قالنا صايي ما تخافوش
درك نديرو كلشس حتّى مشكل ما تشوفوش

[اللازمة]
في بلادي ولاّت كاينة حرية التعبير
تقدر تنتقد الرئيس و الوزير
كل واحد يقدر يهدر واش كاين في قلبو
حنايا نقولو واش يحبّو و هوما يديرو واش يحبّو

[المقطع الثاني]
العام الجاي كيف كيف زادو جاو لينا
قالونا رانا جينا ، نلحّو عليكم الغبينة
كل واحد يقول الشكوى رانا الكل دي زالجيريان
ما تخافوش هذاك الزمان او فات عليه التران
الناس الكل اي ساكتة و و احد ما حب يقول
كي نطقت أنايا الناس حسبتني مهبول
قلتولنا نجيبو الخدمة ما شفنا حتى خدمة
قلتولنا ندخلو الضو رانا بايتين في الظلمة
قلتولنا نجيبو الما مازلنا نجيبو فيه من الواد
قلتولنا نعدلوها نلحّيولكم الفساد
خلّيتوها خالية و زاد خلات موراكم
حتّى حاجة حنايا هنايا ما فهمناها موراكم
وين راهي لحياة الهانية ؟ مازلنا في العذاب
وين راهم لي بروميس و تشغيل الشباب؟
؟ La maison des jeunses وين راهي
وين راو السطاد الجديد؟
و الحاجة لي حيرتني وين راه صاحبي فريد؟
الهدرة هنايا صغيبة لي يهدر رايح يسلّك
تهدر كلمة حق يا صاحبي رايح تتهلك
و الصح أنا جرّبت ، هدرت و ما علاباليش
غدوة سقسيو عليا واقيلا ما تلقانويش

[اللازمة]