Lotfi Double Kanon - Hadi bladi / لطفي - هاذي بلادي [tekst, tłumaczenie i interpretacja piosenki]

[المقطع الأول : زينو]
واش راه يصير في بلادي
ياه نحكيلك واش يصير
و علاه الناس اي تبكي
بورتون كاين عباد لهنا لاباس بيهم
و لوخرين ربّي يعلم بيهم
كاين لي عاش في الهم لي ساحلو الدّم
شحال منهم لي قعدوا بلا والديهم
عديك الناس قاعدة تروح ، تروح ما تولّيش
عند لَقْوَر و في بلاد النصارى
ما دام لهنا حقروهم لهنا هملوهم
إيه بلادي رحتي خسارة
و أنا نقول ديما نقول
لحياة في دزاير راهي صعيبة
كنت نقول ديما نقول
ما عندك شي ما دّير خاطاك حنا والفنا

[اللازمة : زينو]
هذي هي بلادي هذي بلادي
ما عندك شي ما دّير

[المقطع الثاني : لطفي]
الحياة فهاذ لبلاد نقولك راهي صعيبة
ما لقاولهاش دوا كيما المرض تاع السيدا
أنا باش نرتاح لازمتلي نروح لومباساد
كيما الشاب حسني عكسوني شوف واش صار
جاني الكونسول قالّي مسكين تسحق الفيزا
أنا خزرت معاه قتلو مسكين تعبد عيسى
حطّوه في لا كروا باش يخوفو لي فومبير
الدنيا تدور كيف لا كوروا بلادي كانت أومبير
في التيليتون مدّينا باش نبنيو بيوت الرّحمة
سقسيت السوار قالولي ما نعرف واين رحنا
هبطنا و طحنا في الجيب تاع هذاك
الشعب آو عمبالو بصّح شاهد ما شافش حاجة
خلينا من هاذ السوجي نبقاو في لالجيري
"لهنايا آي قط و فار حكاية "توم و جيري
الدعوة راهي مخلطة و مزالت هي هي
ما زالو صحاب البيا يكرهو صحاب اللحية
لي ما عندوش السوارد لهنا ما يسوا والو
لي ما عندوش الدراهم لهنا ما يسوا والو
لي ما عندوش الموني لهنا ما يسوا والو
لي ما عندوش التشيبا لهنا ما يسوا والو
لي ما عندوش معرفة لهنا ما يسوا والو
لي ما عندوش الكتف لهنا ما يسوا والو
لي ما عندوش الواقف لهنا ما يسوا والو
و الشعب ولاّ عايش برّاني في بلادو

[اللازمة : زينو]
هذي هي بلادي هذي بلادي
ما عندك شي ما دّير