Lotfi Double Kanon - Lotfreestyle [tekst, tłumaczenie i interpretacja piosenki]

[المقطع الاول]
هذا هذا هذا هذايا راب ولا هيب هوب سميه واش تحب
ملي زدمت في الدومان هذا صح شفت لعجب
كاين لي يكتب زوج كلمات و يسمي روحو قروب
كاين لي قتل روحو باللبسة و يعول غير عاللوك
نشفى 94 هزيت ورقة و ستيلو
ما كانش عندي ميكرو ما كانش عندي ستيديو
بديت وحدي نكتب بالكلمة على الزهر
لي فراز كانوا صعاب بسّيف ما نكمل السطر
و مبعد كي نقراه ما يعجبنيش يظهرلي باشع
ناقصتو الكناية ، طباق ، جناس و زيد السجع
قريت النثر من الاسم حتى الفعل
صبّحت في لارج نعوم في بحور الشعر
و نهار لي ديكوفريت الاستعارة المكنية
قولتلهم لطفي درك يولي خليفة لمفدي زكريا
جبدت المجلّد صح كان جامد شويا
جبت منو حروف الجر نجرب خلي يجرو عليا
سهروني ليالي ، صحتي كلها راحت
عينيا ولاد كحل و خرجو كيما تاع الجاحظ
و مالقري كنت متربي ، المكتوب تاع ربي
خلى الناس يقطعوني كيما قطعوا في المتنبي

[اللازمة]

[المقطع الثاني]
خمسة و تسعين فورميت القروب "ان.دبليو.ال"
Les trois mousquetaires: نوري وهاب لطفي
و اسكت برك بالسيكتور و البوست كنت نريبيتي
اي تجوز احكيلهم ليامات في دار جداتي
Pas à pas مشينا premier pas درنا
Ça va pas الفوبا ننسى البلاد كانت
كنا رايحين نفشلو mais ça ne veut pas dire que
درنا غنايات في الستيديو بصح جامي خرجوا
من تما طاح المورال مالقري القروب ياس
الستيلو بين يديا من الكتيبة جامي حبس
وحدي في الليل كنت نقول واش قاعد ندير؟
الراب دارجة بالعربية ما عندوش افونير
مالا لونكر بدا ينشف و ليسبوار اتقفل
لي بارول لي كتبتهم راحوا غطيتهم بالكفن
مالقري ما ماتوش مازالت الروح فيهم
واحد ما راح يسمعهم قلت واش ندير بيهم؟
حتى 98 نجيب راح ميسيون في الجي
كي رجع قالي الدعوة بالراب اي قاعدة تبوجي
انتيك – حامة بويز ، لي قروب اي تاكتيفي
فرحت كي سمعت كاينة ناس تخمم كيفي
Des albums ايامات و مبعد خرجولهم
Vraiment fort دوماج كاين فيهم لي ما مشاوش
مالا الناس سكتوا قالوا الستيل هذا مات
شريف افلاح هز الميكرو بريزا السكات Heureusement
سمعنا 5/5 في لا راديو 7/7
Promotion essentielle, sans elle l’histoire jamais tlancét
مالا قلت في قلبي لطفي يمشي دوقا دوقا
سينون تعدي ديريكت من الستيديو للسيلونة
خاطاك الراب تاعي كان معول عالكحلة
كنت نحكي فيه عالحقرة ، الحياة لي ولات محنة
عالرشوة لي قاعدة تصرا الصباح كيما العشوة
عالنشرة علّي ما تحكيش لهنا واش راه يصرا

[اللازمة]

[المقطع الثالث]
و تجي كاميكاز لولاد بالعقار
لولاد لي تعبي الراس بالبروك و لارطان
جيب الطرف يا وهاب و نشيخ بالعربية
كيف ولاو بنات بلادي ، تبقاي نتي كافية
La guerre من تما الدوبل كانون دومينيت
100 exemplaires بومبارديت بلي بومب قريب
La même année يلحق كانيبال في
من تما جاتني "لاكامورا" و قلبتني كوم-كوم-كومداني
Maison d’arrêt في
خاطاك الكلام تاعي يجرح كيف الكرونداري
و مبعد عدينا بارتو :
Les radios, interviews, deux clips et surtout
Les articles fi les journaux
صح فيهم التعب des concerts درنا
فوق لاسان ننسى كلش كي يقابلوني ولاد الشعب
ديما فاس افاس هوما مني و انا منهم
مالقري زواولة بصح ما كانش لي خير منهم
تربينا كيف بعضانا ، عقلية كيف بعضانا
سوفرينا كيف بعضانا و نبقاو تاع بعضانا
A la vie à la mort حتى الممات
La morgue لي يوقف كونترنا نبعتوه لل
Et malgré tout ça, et après tout ça
...يطيح فيا انا
واش بيك كي بديت نغني البيبرونة كانت في فمو
كي بديت نغني مازال يشرب الحليب تاع امو
كانت تديرلو لي كوش ، كانت تعومو في الدوش
كانت تعيطلو مينوش كانت توكلو البريوش ،
مالا واش واش خلينا قالي و قوتلك
تفكر فوليم 1 واش كنت نقولك
غنايا سوسيال مشو كوميرسيال
هذايا راب مشو راي هذايا لوطفريستايل
ولا ماشني راسطا ، الشعب هو لا سطار
خاطاك لالجيري بلا الزواولة راهي ماسطة