Fikka Ganja - Baba mat (Allah yarhmou) / بابا مات الله يرحمو [tekst, tłumaczenie i interpretacja piosenki]

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا[مقدمة]
-Qu’est ce que vous gardez de votre papa ?
-oh beaucoup de choses, énormément de choses, d’abord c’est mon père
-Et d’abord vous lui ressemblez donc ce qui est quand meme un avantage
-Y a mes frères qui lui ressemblent un peu plus que moi
-C’est vrai
-Oh oui, oui , oh ce que j’ai gardé énormément de choses

[المقطع الأول]
ما جونيس ، بابا يروح عالثناش و ربع بيل
ما كسب لا دار لا أرض لا طونوبيل
يشوف الزمان و الوقت قدامو قاعدة تعدي
ما عندوش كوفر فور ، بابا في قلبو يخبي
خاطيه الشراب الدخان و الشكيل
بابا ديما صابر ، جامي تشوفو يشكيلك
ديما ساكت ، جامي قالي : "نحبك"
ناس تاع بكري ، باه تهدرو يحبلك
فوق الثلاتين ، نعاود فلي فات
بابا عندو عشرين سنة ملي مات
نخلف ثارك بابا، اقسم بالله تفرح بيا
ندير الخير نبعثلك صدقات جارية
عندي رجل في القبر ، رجل في فم الحقارين
أني حاصل ما بين الدنيا و الدين
و دي فوا نقول "أني عندي ألف نكاستيون"ا
مي يما فحلة قامت بلا ميسيون

[الفاصل]
واينك؟
هاذي ليام قلبي مضرور
واينك؟
هاذي ليام انا قلبي ...قلبي أنا مضرور

[المقطع الثاني]
باسي أكحل ، مي قلبي أبيض
ثالمون تقاس سميتو "اي باد"ا
حابيت نشوفك معايا كي شفت الخداعين
لا مرا لا كوبين ، قلبي فيه كود بين
حابيت نشوفك فالباك و الليسونس
أني جبتهم و شعلت الديبلوم بالليسونس
و هربت حطيت ليسبوار و الخوف فالساك اوسي
هربنا مالغوال طحنا في ساركوزي
في بلاد القاوري ، شكيت همومي
لقيتهوم هوما أكثر من عمومي
سوفرينا أنا و خاوتي و يما كو مام
فاتت عوام ، أنا وجرحي لو مام

[الفاصل]
واينك؟
هاذي ليام قلبي مضرور
واينك؟
هاذي ليام انا قلبي ...قلبي أنا مضرور

[المقطع الثالث]
فيو ، بيناتنا الموت و حجاب تاع ظلمة
مي حايب نقلك ميات نكلمة
بلي راني نحلم مي جامي نرقد
و مانهناش حتان لي قتلوك يغنيو (ظالمة؟)ا
حلمت نشوفك كبير و و احد من الشياب
اك وليتي جد ، و ولد "شكيب" اسمو "شهاب"ا
يمات تفوت و أنا نوظ و نطيح
صاحبت رجال كي لعلام تبع الريح
نصها كلاب تاكل الفضلة
نتا رحتي بعيد بلا ذهب بلا فضة
كي نغلط ، يجيني وجك في بالي
ما تحبش الظلم ، أنت و الشر عبالي
مالا نعاهدك ، كل يوم نولي أقوى
نعبي قلبي أنا إيمان و تقوى
نشكر ربي ، كل يوم أنا نحمد
و كون يجيني ولدي نشا الله نسميه "أحمد"ا

[الفاصل]
واينك؟
هاذي ليام قلبي مضرور
واينك؟
هاذي ليام انا قلبي ...قلبي أنا مضرور

هاذي ليام...سلام
ربي يرحمك بابا ، انشا الله الميساج يوصل خمسة على خمسة