Lotfi Double Kanon - Ji nhar - كلمات : إجي نهار [tekst, tłumaczenie i interpretacja piosenki]

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا

[اللازمة]
و الله العظيم يجي نهار يجي نهار يجي نهار
لي داروا الشر و لي داروا المنكر راحين يعديو تحت النار
أقسم بالله يجي نهار يجي نهار يجي نهار
لي داروا الظلم هذا كل راح ياكلهم صح التراب
بإذن الله يجي نهار يجي نهار يجي نهار
درك تشوف هذ الطغاة يفضوا حياتهم في خراب
اسمعني بيان يجي نهار يجي نهار
و الله العظيم يجي نهار يجي نهار

[المقطع الأول]
أقسم بالله يجي نهار تشوف بعينيك هذ الملوك
لي قلبهم كان مخروق و طامع غير فالخلوذ
لي غواهم الغلو و الغرور تاع السلطة
نساو صح القوة تاع الإله كي تعود مسلطة
الدولة الكل مسطرة بعساكر و جيوش
الدستور كان مغشوش بالرصاص و لي كارثوش
وحوش ما يخافوش قلبوا الشعب كل مسجون
قلهم واش راح يكون نهار البحر يعود مسجور
نهار الأرض تزول بالزلزال تخرج أثقالها
تمة الدكتاتور ما تنفعو حتى استقالة
خطاك الاستقامة فالدنيا ما عرفهاش
كان طامع فالمعاش و العرش كان دايرو فراش
تحسبها ما تفراش و الحساب ما فيهاش
تحسب بلي هذ الظلم راح يعدي هك بلاش
لطان ما تتهداش نعطيور درك إشارة
و نبشروك بنار وقودها الناس و الحجارة

[اللازمة]

[المقطع الثاني]
أقسم بالله يجي نهار تشوف بعينيك هذ الطغاة
لي عندهم الكل أغراض غير تاع خوف و اضطهاد
لي كان ديما حاط روحو زعمة كي الزعيم
مصيرو درك صعيب مع أصحاب السعير
استمتع بالنعيم و بالظل عش سعيد
الدنيا تشهد عليك بلي على جالها راك سعيت
سرقتي و درتي رصيد بالفلوس فالإمارات
و فالاخرة تتحشر مع الحفاة العراة
في نص النيران تفوت مرارا مرارا
لأن الشعب تاعك ذاق مرار فوق مرار
لأن الخير تاعك كان رار و تري رار
و لأن أعمالك كانت طار فوق العار
هذايا صح نهار عند ربي رح حتشوفوه
الماء لي يشربوه يشوي الأمعاء و الوجوه
أ حكام الفجور ، زعماء الجهالة
كلهم راح يوليو هوما الحطب تاع جهنمة

[اللازمة]

[المقطع الثالث]
أقسم بالله آي جاية حرب فالأفق تهدد الزعماء لي الفوق
كيما صرا في وقت الروم وقت عمر الفاروق
الباطل آو زهوق و محتاج احتجاج
ما يحبسو لا رشاش لا شفرة تاع الحجاج
مالا قلي قداش رئيس فالبلاد
آم حطوه رب العباد كيما العزة و كيما اللات
اليوم آي ولات سياسة بني أمية
الحكومة الكل مبنية الوزراء الكل أمية
ديما نفس الأمنية : مناصب و لي بوست
واحد ما راهو قاصد يسمع لعبد الباسط
لي والى اليوم حاب بلاصة الحكم و الجبروت
هي النار تكوي الجلود مع الجيوش تاع جالوت
خليهم مع الجنود يحييو فرحانين
حتى نهار الحنين يولي حر من الحميم
احيين حازنين يسمعوا ربي العزيز
كي يقلها هل امتلأت؟ و تقلو هل من مزيد

[اللازمة]