Lotfi Double Kanon - Tchouf - كلمات : تشوف [tekst, tłumaczenie i interpretacja piosenki]

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا"الكاميرا أمامك يا لطفي بلا سؤال بدون سؤال محدد قل ما شئت و لمن شئت"

[المقطع الأول]
البلاد اي رايحة تكولي البلاد اي رايحة تغرق
كل سمانة سبعين مشكلة جديدة راهي تخلق
العباد آي قاعدة تخنق في روحها بالحبال
قاعدة تشرب فالدواوات حتى العقل يجيه الهبال
هذاك كل على جال إهمال و تهميش الشباب
و الكراسى فهذ لبلاد حاكمينهم غير الشياب
عايشين بالكاشيات غير قدرة و معجزة
و الحكومة كي تشوفها تقول هذي دار العجزة
شوف البرة مجزرة و شوف الشعب ولاو بيطاي
الطالب يفض بطال فالحبس ولا لوبيتال
و لي عندو اليوم مطالب يعدي ورا القضبان
السياسة بلا ضمان تمشي بأوامر القبطان
لازم تطبق سينون حياتك تطبق
سينون تشبع من الضر من الضرب مضطر حتى تطربق
الكلاب اليوم تحرضك بسيف تهاجر أرضك
تعرضك للهم و الذل و الدم باه يكبر مرضك

[اللازمة]
عديك تشوف الدعوة اليوم رايحة تكولي
و لا جونيس أي قاعدة تهرب و تديكولي
الشعب الكل ولى هايج مديقوتي
و الحكومة كي العادة راي تبريكولي

[المقطع الثاني]
شوف لبلاد مالجري راي عندها بترول
ولادها تبيع الدخان في "باربيس" بحد الميترو
فالسواقي فالقيتو تاع "مارساي" و "نواي"
و الكلاب و الباطار شراو ديار في دبي
مالجري شبعوا من الباي ، اليوم لي والا راو يقراطي
مازال يبراكي و الأولوية للقرادي
شي ما يراطي اليوم دراهمو راي بالبالة
قل وان شاء الله كي تموت روح اشري كفن "دوتشي قابانا"
خطاك في بعضانا رجعونا بلطجية
عايشين غير بالشيرة ، قرعة و كاس ولا كاشية
سياسة همجية قلي واش تحب تدير
في بلادنا الأمير راو يخلص أكثر من المير
عدنا عايشين في بير لي غرقت فيه الحقوق
و لي ما لحقش عالقوت رح يدوش بالوقود
عقول هذ القوم عادت تمشي على قانون
يا إما تكون القاتل يا إما تكون المقتول

[اللازمة]

[المقطع الثالث]
و راك تشوف فالآلاف تاع العباد راهي مهاجرة
هذا أكبر دليل بلي سياستهم فاشلة
إصلاحاتهم ناشفة شوفهم برك واش عملوا
يبدلوا مسؤول بواحد حابس أكثر منو
و علاه جامي تولهو بالجماعة لي مازالت
غير بالسرقة و التبزنيس و القضايا تاع الإسمنت
Les vestes نصها راي سمانت غير من السوارد تحت
Est-west و نصها راي تغنات من لوتوروت تاع
Greve الخدامة راي تقاست ، يروحوا يديروا
يحبوا يسحتوهم كل باه يجيبوا وحليد خلاف
حابين الناس تخاف باش يحبسوا هذ الخلاف
فالعوض ينظفوا لاميرد ام يغطيوها بالغلاف
عديك هذ الجيل سي فري مشو جنين
فهم بلي لبلاد ولات مستشفى مجانين
كثروا لي فيكتيم ضحايا هذ السيستيم
خطاك كتروا الجاهلين لي لقاو بوست فالمينيستير

[اللازمة]