Lotfi Double Kanon - Kima nta - كلمات : كيما انت [tekst, tłumaczenie i interpretacja piosenki]

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا

[دخلة]
حبيت نقلك بلي...شفت الناس لي يحبوا ديما يفشلوك ، ما يخليوك ادير والو ، نهار طول يقلك راك ما تقدرش اك ما تنجمش نتا خاطيك...يا زعمة حاب ادير هك يا حاب ادير كيف فلان
عمبالك وعلاه نقلك الشي هذا؟

[اللازمة]
خطاك أنايا كيما انتا
شفت الظلم شفت الشقا
خطاك أنايا كيما انتا
شفت الخدع شفت الصفا
عديك نتايا كيما أنا
لازم تخدم و لازم تصبر
عديك نتايا كيما أنا
لازم تحمل و لازم تصبر

[المقطع الأول]
بديت لحياة في عائلة كانت متواضعة
فيها أب و أم و ربعة إخوة كانوا روعة
نتغداو فوق المايدة و فالليل نفرشوا مطارح
و نعوموا بالباسينة و البيدون كان هابط طالع
طلع ، كنت صغير شحال نلعب فالطريق
فالدار تحكمني الغمة تالمون راو كان فيها الضيق
مالا فيق واش بيك بابا مشو ملياردير
أني كيفك مربي في كرتي بو بو بو بوبيلير
حتى انا كيما نتا كانوا عندي صح والدين
ما كسبوا في حياتهم لا حانوت لا طوموبيل
عطاونا درس كبير : البركة في القليل
لي يرضى بالقسم يرضى عليه رب العالمين
حتى انا كيما انتا كنت مربي عالأخلاق
مي ساعات آك تعرف لازمها دبزة و دماغات
الله غالب الحياة آي معمولة كيما كا
نحكيلك فالشي هذا خطاك أنا...

[اللازمة]

[المقطع الثاني]
و بلعقل بديت نكبر فالعقلية
لقيت داير بيا مجتمع بالطبقية
المعرفة فيه قوية و الحقرة للبقية
مزية القيم لي فيا خلات كل مبادئي نقية
يعني بالعربية نقولهالك طول آ ولدي
الظروف كانت متوفرة باه لي كيفي يطلع بوندي
باش نبطل لقراية فالكرتي ولي بلونتو
نزدم فلا ديبوش ولا ندورها فالطرابندو
خطاك فالليسي و الله ما كنت كرك
مي والديا بقاو عقابي حتى نهار ديت الباك
كي طلعت للفاك قلت بالاك ننسى همي
لقيت بلي البروف كان مديقوتي أكثر مني
نتمة فهمت صح بلي شي ماهو مضمون
بلي الدنيا ديا حرب و السلاح تاعي الديبلوم
كون تشرجي لي نورون راك ادير بيهم ديقا
نحكيلك فالشي هذا خطاك أنا

[اللازمة]

[المقطع الثالث]
حتى أنا راني عرفت السابوطاج
وعرفت واش معناها جيبك فارغ من الشوماج
واش معناها الديقوطاج و المشاكل بالياطاش
و الناس لي تحب تفشلك و تقلك راك ما تطلعش
حتى أنا كيما أنتا أني شفت التمرميد
شبعت من العكسات و شحال من مرة أني اترميت
عديت على مراحل نتفكرها صح اتغيضني
كي كانت تغيبلي غير ربي لي يغثني
يا ولدي ، كي نتفكر بديت بوالو
كاين لي نحكيهالو يقلي ما تدخلش لبالو
لي والى تبانلو صعيبة ثقيلة كد الجبال
يقلك لازم معرفة ولا يوقفو معاك الرجال
مالا نقلك أ جون اذا عندك موهبة
تكون وهبة ولا هبة بالك ترميها فالهوى
ابداها من هنا احمل و شد الرحال
و اعلم بلي مع ربي راو شي ما راهو موحال

[اللازمة]

يا انايا كيما نتا
جاوني بزاف لي حبوا يريبوني ، تعرفهم لي يحبوا يحطموك لي يصابوطيوك و يحبوا يطيحوك

[اللازمة]