Naili نايلي - Il était là [tekst, tłumaczenie i interpretacja piosenki]

ياه مادام فيه أمل فيه حياة

[اللازمة]
...نا نا نا حبيبي حبيبي

[المقطع الأول]
هاذي حكاية كيما قاع الحكايات
فيها الحزن فيها الحب و فيها شكايات
عايشة في قلبي مكتوبة عالكايات
عقلي ولّى خزنة و عينيا ولاّو مرايات
ماش الكلام تاع الي فات مات
أنسى شغل قدام و لي جاك جاك
لي راه ينسّيني و يصبّرني علّي فات
هذا كلام قوله للصغار هذا كلام دعايات
خاطر الجرح يبقى حي مادامني حي و عيني
تشوف الحاضر مرّ أكثر من الماضي
بصّح ربّي ما حطنيش عالعباد قاضي
بصّح عندي الحق باه نقول بلّي ما رانيش راضي
بلّي عذابي راه دخلاني و خلاّني نمون حزين
بلّي نهار لي هجرني حسّيت روحي كي اليتيم
من ذيك الساعة راني نحوّس عليه في كل عين
غيابو خلاّني نغمي الريشة و نكتب بالسّكين

[اللازمة]

[المقطع الثاني]
كي كان حاضر كنت داير في المستقبل ثقة
البسمة كانت ما تخطينيش حتى دقيقة
كي كان يغيب كان يرجع خفيف مع شوية موسيقى
النية صافية كانت كاينة الأمل كان حقيقة
تسقسيني و تقلّي وكتاه راه راح؟
نقلّك فقت بغيابو ياو نهار هكا من الصباح
شمس جديدة طلعت و القمر راه طاح
في الراجل وليت ؟؟؟ الطفل لي كنت راح
سنين الحليب خلاو بلاصتهم للشلاقم
قالك الدنيا ؟؟؟ الزوالي و الفوق كاين القماقم
تحب ولاّ تكره خاطر كاين المحكوم و كاين الحاكم
غدوة كي يسقسوك ولادك قلهم الزهر نساكم
فهموني مليح بلّي مارانيش المخيّر
مكتوب عليه ؟؟؟ و أنا نبقى مزيّر
وين راه شريكي ؟ راني تايه و عليه ندوّر
بين طريق الصواب و طريق الشيطان ما عرفتش نخيّر

[اللازمة]

[المقطع الثالث]
في غيابو كاين لي قطع لياس و كاين لي تهوّر
كابن لي فهم و لي قنع و كاين لي دوّر
نشوف القدّام مرّات مظلّم مرات منوّر
أيام نصبر و أيام الماضي نتصوّر
يجي كل ليلة في المنام و كل صبحة يغيب
هاذي هي الدنيا و سلاكها ياو صعيب
و حتى إذا كان عليا بعيد في قلبي راه قريب
مادامني حي ياو نستنّى حتى الشيب

[خرجة]
تعرف أنا عندي الأمل كيما أوراق الشجر لي تطير في الخريف
كي ينسف ريح الزمان و نقطع لياس
نبداو نقولو بلّي البارح فيه الخير
بصّح كي يوصل الحزن للقمة قلبي يشعل و نقول نستنى الربيع
خاطر الأمل مهما كان عمرو ما يضيع
نحتاجو ، نحتاجو باه نكمّل الطريق و لازم نخليه ميراث قبل الوداع