Lotfi Double Kanon - Ah ya labhar [tekst, tłumaczenie i interpretacja piosenki]

تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا

[اللازمة] (X2)
آه يا لبحر
غير قطعني ، لهنا راني مهموم
آه يا لبحر
غير فوتني ، لهنا راني مغبون

[المقطع الاول]
الربعة تاع الصباح الروندي فو أو في الظلمة
الجماعة آي تسنى و الفلوكى راهي نتما
فازي يالله قبل ما يطلع النهار
غير شعل الموتورروح قلع يا البحار
قلبي حار قلبي سخون و مديسيدي
كون نقعد لهنا عمبالي سور نسويسيدي
مالا يزيني مالحقرة فيها براكة
ميت في براكة ولا لهيه مع الحراقة
راني كاره خلي نروح بالـجي-بي-آس
معايا الغرس و الشومبر أير بلي بياس
كون جيت لباس ما نريسكيش بعمري
رانا معورين و لي كيفي أم معمرين
الكل معولين ، مالا فازي ديماري
قبل ما تجينا لارمي ، البوليسي و الجادارمي
وصي داري و قلهم يعطيكم كلمة
إنشاء الله نتما كي نوصل نعيط ليما

[اللازمة] (X2)

[المقطع الثاني]
و اليوم آم دارولنا تخدام تاع يهود
قفلوا الحدود و عطاونا بالبارود
مزيا البابور يعرف القصات
يعدي على فيزا مكرة فالأومباساد
كل صباح آم يروحوا بالمئات
يقطعوا لللطليان و الدخلة عالروشيات
لي والا شاد بين عينيه لافونير
معول على ربي و الدعاوي تاع الوالديت
واش حيدير هادي حالة الشعب
يركب في فلوكة باش ينسى شوية تعب
حتان بعد آي تتبدل العقلية
يتهول لبحر لي والا يبدا يتقيا
الموجة تولي قوية تخرج القلب
الفلوكة تتقال و قادرة حتى تتقلب
واش حنقلك ، نعبو الميزيرية
لا تحتمت يعطيوها لاناج لمارسيليا

[اللازمة] (X2)

[المقطع الثالث]
مالا ما تلومش لي راحوا للموت
لهنايا آم يقتلوك يا تاكل يا ياكلوك
تعيش مخنوق مالديون بالحسابات
تولي بوندي مباسي فالحباسات sinon
الناس آي عدات نسا و رجال
Des jeunes ، mineurs و majeurs صغار
Chomeurs ، joeurs و chanteurs خدام
Chauffeurs ، avocats و ingenieurs صباغ
كلهم جراو ورى الهربة فالليل
شراو بلاصة لهيه في بابور صغير
ما خافوش البرد ، لي فاج تاع مترتين
ما خافوش القوانين و الرصاص تاع لا مارين
بصح العين تبكي ، يغيضوك
بزاف لي غرقوا و رجعوهم ففي صندوق
هادوك لي حصلوا انتم وحدهم surtout
ديما أدعيلهم و قول "ربي يرحمهم"

[اللازمة] (X2)