Lotfi Double Kanon - Khawana / الخونة [tekst, tłumaczenie i interpretacja piosenki]

[اللازمة]
هذوما الخونة لي باعوا أرضهم ، باعوا عَرضهم ، باعوا وَعدهم ، باعوا عَهدهم
هذوما الخونة لي راحوا غدروا شعـبهم ، خـدعوا الـعباد غير عـ جـال مصـالحهم

[المقطع الأول]
كرهنا بزّاف صايي يزّينا من هاذ السيستام
كرهنا من الفيس و الناس لي تبدّل ديما الفيستات
Des affaires à Paris لي يديروا Les grosses têtes
يتخباوا ورا الدستور بـ لي كوستيم و لي كرافاط
فوطاو عليه في الدشرة député قداه من
من لي وصل للمنصب جامي جا و عرف الرجعة
خاطيه الرجلة ، الشعب طلعو للبرلمان
من لي داروا فيه لامان السيد راح جامي بان
شي ما دار ، باه زعمة يحسّن هاذ الحياة
غير ياكل في السوارد و غير يدّي في الصلاحيات
في الاجتماعات يسمّي روحو بركا نائب
و هو رايب ، عـ العام نائم ولاّ غائب
تلقى وحايد عقاب غير لي زافير
يفركت عـ الفايدة ، يقونفلي غير في البورتفاي
سيفري ماش الكل خطاك فيهم و عليهم
آم يعرفو رواحهم لي نغنّي عليهم و نسمّيهم

[اللازمة]

[المقطع الثاني]
يغيضوني الدراري ضحايا التقسيم الإداري
لي يسقسي باباه علاه القسم بعيد عـ داري
الهم فوق ظهري ، وعلاه جامي تهنّيت ؟
الكلاسا مْعمرة بـ ستين و سبعين تلميذ
يقُلو تمنّيت الدروس كون يفضّوا
في القسم تالمون البرد يقراو لابسين لي مونطو
كلش ناقص ، لا كلاسور لا مساطر
لا كراس لا كارطابل لا كراسة لا لي طابل
المعلّم كاره ، لاباي تاعو تفوح
ألور يعمل لاقراف و يدير إضراب هنا مفتوح
لـ شكون حا يروح ؟ شكون حا يجيب شكون حا يشارع ؟
ما تجي غير في الشعب ، ولادو تشردو في الشارع
الشاعر قال : الهمّة تولّد عزيمة
أنايا نقول : الهم يولّد ميزيرية حزينة
مالا يزّينا من هذوك الناس لي يْسَيْرُو فيهم
لي يسرقو فيهم ، نبزق عليهم و نسمّيهم

[اللازمة]

[المقطع الثالث]
كاينين بلايص تروحلهم تجيك الدمعة
الناس تم عايشين غير بالضو تاع الشمعة
و الله يا جماعة شاكْفْوَا نكره حياتي
كي نشوف حالة لعباد لي يسكنوا في البني الذاتي
ولاّت عادي هذا ظلم هذا باطل
الما فايح خامج مَشُو مظيف مَشُو بوطابل
واش تحب ، بيانسور نورمال فيهم لي شرب
فيهم لي مرض و ضرب التيفوئيد و الجرب
لتمّا كل يوم الخبز يجي روطار
في مازدا ، في فورقون ولاّ في طاكسي في لامال
حليب الشكاير آو خامج الكل بالغرقة
سيرتو في الشتا مع الفيضة و الدنيا غارقة
عايشين في غربة ، و الطرونسبور غير وين تلقى
الجي 9 راهي مشارجية ، ساعة ساعة تشوفها مقلبة
حياة كلبة وحدهم آم يسوفريو
كي يقرّب الفوط شكون لي يجيو يسقسيو ؟

[اللازمة]