Lotfi Double Kanon - Djihad Ibliss / جهاد ابليس [tekst, tłumaczenie i interpretacja piosenki]

مقطع من فيلم الرسالة

مقطع من مكالمة هاتفية

اللازمة
جهاد تاع إبليس ، جهاد تاع دمير
جهاد تاع إرهاب ، تاع قتيلة و تاع كْرِيم
جهاد لي ما يرحم لا شايب و لا صغير
جهاد تاع جُهَّال غير بالشفرة و السكين

المقطع الأول
واش من دين جاي بيه ؟ واش من دين بين يديه ؟
السيّد يقتل بيبي بين عينين تاع والديه
يسمّيه جهاد باسم فقه القصاص
بومبا في المارشي الناس الكل تموت سور بلاص
يزدم على الديار في البلايص المعزولة
يذبح الناس باسم السيرة و باسم السنة
آي مكتوبة في السورة ؟ ولاّ هوما لي فسروها ؟
عاداو يجيبوا الكامير و العملية يصوروها
العباد يقصّوها و الموس يتجبد
يحبّوا التعذيب و التشويه بالجثث
يقطعوا العبد من التحت حتى الفوق
و الراس يلحيوه و يلعبو بيه بالون فوت
يقتلو الجنين في كرش أمو بالـ بِيَا
و يقولك عند ربّي آو يُبعَث حسب النية
هذي هيا ، بالنسبة ليهم دين الإسلام
يعني قطع اليدين ، الوذنين و اللسان

اللازمة

المقطع الثاني
كل واحد يسمّي روحو هنا فدائي
و هو في ذاتو مْشُوتي بالفتن و الفتاوي
و يقول في بالي آو ما ينفع غير القتل
و القبلة تاعهم هي القنبلة ولا القبر
يخّي جاهلين ، مسميينهم مجاهدين
هوما الكل مخذرين بالكاشيات و النيفوتريل
يمشيو كي العميان ، فتالهم الإمام :
اشربوا الحبوب لتثبيث الإيمان
واش من إسلام ، لا صيام لا صلاة
في الجبل الدعوة مخلطة بالزنا و اللواط
المصالح ، السوارد ، الفسق و البدعة
يستحيوا النساء بالفيول و زواج المتعة
يحكموا لي جون لي كارهين من هاذ لافي
لي حياتو راهي فيد ، عندو حقد عـ لافيل
يقولو هيا فيق ، حارب هاذ العيب
فلّق روحك ربّي يعطيك حور العين

اللازمة

المقطع الثالث
الإرهاب عندهم عقلية تاع يهود
لي ما يمشيش معاهم يسمّيهم الطاغوت
دونك لازم يموت بأي طريقة
ما عليش لكان يخالف الرسول و العقيدة
على ديك بالنسبة ليهم لابوليس آم كُفّار
العسكر آم كُفّار ، لي بومبيي آم كُفّار
لي زارتيست آم كُفّار ، لي جورناليست آم كُفّار
الشعب كامل صغار و كبار قالوا عليهم آم كُفّار
كَفْرُوا حتى علماء مكة و مصر
كَفْرُوا القرضاوي و العلماء تاع الأزهر
تالمون كفروا الناس الكل واش صرالهم
داروا على رواحهم و ناضوا يْكَفْرُوا في بعضاهم
هذي فرقة ضالة و هذي فرقة مرتدة
أمير يقتل أمير ، يحكم بلاصتو يدّي الفايدة
داروا غير الفوضى عـ جال الله أكبر
كلمة تاع حق أرادوا بها باطل

اللازمة