Merlo - Liebenswerti Verlürer [tekst, tłumaczenie i interpretacja piosenki]

Intro:

Dä isch für all mini Träumer
Merlo am Mic - Unda am Beat
Dä isch für all mini Träumer
Ihr gsehnds villicht andersch, aber mier händ gar nüt z'bereue

Strophe 1:

Es git söttig die gsehnd uus wie die sichere Sieger
So wie Rekordbrächer und Gipfelbestiiger
Sie sind Karrieretype oder Vater sin Sohn
Schöni Fraue, dicki Chärre, en happige Lohn
Sie händ alles wo der i dine Träum chasch vorstelle
Warschindli meineds sälber Gott persönlich hegs e so wellä
Dann gits na die andere, zimli s’Gägeteil devo
Will sie läbed eifach so wie’s ne passt – eifach so
Sie sind teilziitschaffend, arbetlos und Langziitstundente
Idealischte, Läbenskünstler miteme ambivalänte
Verhältniss zu dem ganze gierige Dänke
Zu dene Behörde und dä langwiilige Ämter
Luscht uf z’viel Verantwortig händs eigentlich nonig
Drum läbeds immer na uf Mieti statt inere Eigetumswohnig
Aber du chasch sicher sie sie händ en eigene Plan
Spared tüends högschtens mal wänns uf Reise wänd gah (verstahsch)

Refrain:

Dä isch für all mini Träumer
Lugge im Läbenslauf aber gar nüt z’bereue
Dä isch für dich mit em Privileg zum andersch sii
Mittelfinger – Smile im Gsicht – die ganzi Ziit
Dä isch für all mini Träumer
Lugge im Läbenslauf aber gar nüt z’bereue
Dä isch für dich mit em Privileg zum andersch sii
Liebenswerti Verlürer händ anderi Ziil

Strophe 2:

Händ villicht kei Modelchicks defür die wo passt
Am ändi vo jedem Monet wird’s mit dä Mieti knapp
Sie verschwändet hunderti Stunde für ihri Liedeschaft
Sie liebed das und es isch ne egal wänns dir nöd passt
Natürlich laufts nöd immer rund, es git e Mal Zwiifel
Unsicheri Ziite - es paar mittleri Krise
D’Mahnige staplet sich langsam i ihrem Briefchaschte
Aber s’ischne gliich wänn ihr dänked sie werdeds nie schaffe
Ihr nänned sie Verlürer, villicht ischs Iifersucht
Sie nämed sich ihri Freiheit – ich glaub ihr sind niidisch druff
Für Gschäftsmänner und Karrierefraue isch es schwer zum glaube
Das mer so wott läbe und eifach cha uf sis Herz vertraue
Es volls Bankkonto wird der niemals d’Schmerze raube
Ich gseh eues volle Portemonnaie und die leere Auge
Ränned ihr nur am Cash na, ich reim eifach wiiter
Villicht sind liebenswerte Verlürer doch die heimliche Sieger (wer weiss)

Refrain:

Dä isch für all mini Träumer
Lugge im Läbenslauf aber gar nüt z’bereue
Dä isch für dich mit em Privileg zum andersch sii
Mittelfinger – Smile im Gsicht – die ganzi Ziit
Dä isch für all mini Träumer
Lugge im Läbenslauf aber gar nüt z’bereue
Dä isch für dich mit em Privileg zum andersch sii
Liebenswerti Verlürer händ anderi Ziil